Ақпарат

Mektep-lıseıimizdiń ashylǵan jyldary ishinde eline aıaýly,halqyna qalaýly qyzmet atqarǵan dırektorlar boldy:
1999 jyldyń 19 sáýirinen bastap №18 qazaq orta mektebiniń alǵashqy dırektory bolyp Muqysheva Sharǵıa Jumaǵalıqyzy taǵaıyndaldy.
2000-2002 oqý jyldary «ál-Farabı» mektep-lıseıiniń dırektory – Tajenova Naǵıma Ómirzaqqyzy.
2002-2007 oqý jyldarynan bastap «ál-Farabı» mektep-lıseı dırektory – Baqtybaev Qanat Sákenuly.
2007-2022 oqý jylynan bastap «ál-Farabı» mektep-lıseı dırektory - Smaılova Kúlimkóz Qaıyrbaıqyzy.
2022 oqý jylynan bastap «ál-Farabı» mektep-lıseı dırektory - Baıburina Amina Nábiqyzy taǵaıyndalyp búgingi kúnge deıin qyzmet atqaryp keledi.

«ál-Farabı» mektep – lıseıi qazirgi tańda qoǵam talabyna saı zamanaýı sapaly bilim beretin, ózindik ulttyq tárbıe negizin shákirtter boıyna darytatyn jáne jańashyl jobalardy oqý úrdisine tabysty engizetin ınovasıalyq mektepterdiń biri. «ál-Farabı» mektep-lıseıi «Máńgilik El» ıdeıasy negizinde ulttyq qundylyqtardy bolashaq ómirdiń tabysty kúretamyry retinde biletin, potensıaly joǵary, rýhanı, ıntellektýaldy, shyǵarmashyl jáne bilimdiligi jaǵynan úlken jetistikterge qol jetkizetin, áleýmettik jaýapkershiligi mol azamattar men azamatshalardy tárbıeleıtin ulttyq mektep. «ál-Farabı» mektep-lıseıiniń pedagogıkalyq ujymy memlekettiń ustanyp otyrǵan densaýlyq saqtaý, úzdiksiz bilim alý, salaýatty ómir saltyn qalyptastyrý, genderlik bilim men tárbıe, qazaqstandyq patrıotızmdi qalyptastyrý, demografıalyq ósim, ana men bala densaýlyǵy, otbasy men mektep seriktestigi, zıatkerlik ortany qalyptastyrý, ulttyq sana-sezimdi damytý, toleranttyq sıaqty mańyzdy problemalardy shyǵynsyz sheshýge kómektesetin «Rahat mektebi» jobasyn engizdi. «Rahat mektebi» jobasy negizinde pedagogıkalyq deontologıany júzege asyratyn jańashyl ıdeıalar men sapaly bilim berýde zamanaýı tehnologıalardy tıimdi qoldanatyndyqtan mektep-lıseı ustazdarynyń 30 % Kembrıdj deńgeılik baǵdarlamasy boıynsha kýrstan ótip, sheberlik ortalyqtarda kásibı biliktilikterin arttyryp jetildirdi. Mektep basshysy Smaılova K.Q. bastamasymen bilim berý sapasyn basqarý boıynsha qazaqstandyq ǵalym F.Ia.Vassermannyń «Bıoaqparattandyrý jáne sınergetıka» tehnologıasyn oqý úrdisine engizdi. Mektep-lıseıdiń 25 etalon ustazy oqý kýrstarynan ótip qazirgi tańda bilim berý tehnoparkiniń tehnologıalyq kartalary boıynsha jumys isteıdi. Qazirgi tańda ustazdar oblystyq, qalalyq deńgeıde óz sheberlikterimen oqý semınarlaryn uıymdastyryp, tájirıbe bólisýde. Mektep-lıseı ujymy qoǵamdaǵy básekege qabilettilikti ár shákirttiń boıynan tabylatyna nyq senim arta otyra, qoǵamdyq uıym jumystaryna belsene aralasady. «Ulttyq mura-rýhanı qazyna» keshendi baǵdarlama boıynsha mektep ımıjin, adam kapıtalyn arttyryp keledi. Oqýshylardyń ıntellektýaldyq shyǵarmashylyǵyn damytý baǵytynda «ál-Farabı» rýhanıaty, «Ǵylym» aptalyǵy bastaýysh synyp oqýshylary úshin «Qurastyrý chempıonaty», «EngIish Club» jáne «Summer Canp» jazǵy aǵylshyn klýby, «İzdenis» zertteý ortalyǵy, «Jas ǵalym» olımpıadalyq rezerv mektebi tabysty jumys isteıdi. Nátıjesinde bilim ordasynyń shákirtteri olımpıada, ǵylymı jobalar boıynsha júldeli oryndarǵa ıe bolyp, joǵary oqý oryndarynyń granttaryn ıelendi. Sońǵy úsh jylda qatarynan «Altyn belgi» ıegerleri Áljanova F., Serbaeva A., Jazıt Á. úzdik atandy. Rýhanı qundylyqtardy nasıhattaý maqsatynda qazaq eliniń zıaly azamattarymen kezdesý sátteri, dóńgelek ústel uıymdastyrylyp ótkiziledi. Qosymsha bilim berý boıynsha úıirme jumystary «Bımarjan» qyzdar jáne «Tengrı» uldar bı toby, dombyra, toǵyzqumalaq, shahmat, «Blık» beıneleý óneri stýdıasy oqýshylardyń talanttyqtaryn, daryndylyqtaryn ashyp, úlken jetistikterine jetip otyr. Mektep-lıseıdiń ár ustazynyń, shákirtiniń adal eńbek etýiniń arqasynda elimizdiń bolashaǵy jarqyn da tabysty bolady.